Преглед

Ракометарите на Радовиш прославија триумф над Текстилец со 30-25 во натпревар од 6 коло во прволигашката конкуренција.

Иако се очекуваше поголем отпор од штипјани, сепак домаќините лесно стигнаа до двата бода на оваа пресметка, а во преден план беше левиот бек Васе Петров, кој постигна девет гола против „своите“ штипјани.

Покрај него, во нападот на радовишани се истакнаа Иванче Ончев со осум и Филип Костадинов со пет погодоци.

Домашните поведоа со 12-5, Текстилец за момент се врати на минус еден, 12-11, но на паузата Радовиш замина со предност од три гола, 15-12.

Во второто полувреме радовишани диктираа темпо и имаа резултатска контрола, па гостите немаа шанси за камбек во натпреварот.

Најдобри стрелци во штипскиот состав беа Лазар Стојанов, кој се врати во тимот по еден меч суспензија и даде осум гола, како и Јован Величков, кој стрелаше четири пати.

Преглед

Ракометарите на Бутел Скопје загубија со 27-24 од хрватскиот состав Горица во првиот натпревар од второто коло во ЕХФ Европскиот Куп. Иако можеа да се вратат со подобар резултат, сепак во последните десетина минути домашните успеаја да го свртат резултатот во своја корист и по водството на Бутел со 23-21, направи голем пресврт, со серија од 6-1.

Стартот не беше ветувачки за скопскиот состав. По 2-2, Горица се одлепи на плус четири, 7-3, а во првите петнаесетина минути водеше и со пет гола, 11-6. Сепак бутелци навреме се разбудија.

Во финишот на полувреме ја стегнаа одбраната, по 13-10 за домашниот тим, четири минути гостинската одбрана не дозволи погодок, а за тоа време Марковски и Стаменковиќ погодија за минимална негатива на паузата, 13-12.

Вториот дел тргна со три гола на домашните за 16-12, а Горица остана без Дражен Огулиќ, кој доби директен црвен картон по опасниот старт над Тодески. Но момците на Стоилов возбратија на уште подобар начин.

Со серија од пет гола по ред и со одбрани на Чаневски, Бутел направи комплетен пресврт, 17-16, имаше и напад за плус два, кој не го реализира, па Горица казни со голови за 18-17.

Беше 18-18, но како одминуваше времето така Бутел ја преземаше контролата на теренот. На 20-20, Стоилов побара тајм-аут, а по интервенциите на Чаневски, Бутел за првпат водеше со два гола, 23-21, а имаше и напад за плус три со играч повеќе.

Сепак тој не беше реализиран и казната стигна на спротивната страна, па Горица успеа да израмни 23-23. Двете екипи во продолжение промашија по два пати, а домашните преку Пит ја вратија предноста на своја страна.

Капитенот Ѓоргиевски беше исклучен, тоа го искористи Горица и на две минути до крај отиде на плус два, 25-23, па Стоилов мораше да бара тајм-аут. Костов ја прекина „црната серија“ на Бутел и намали на 25-24.

Дујиќ одново ја однесе Горица на плус два, 26-24, бутелци погрешија и останаа уште дваесетина секунди за хрватскиот состав за напад. Успеаја да организираат напад и на крајот прославија триумф со три гола, 27-24. Во составот на Бутел по четири пати погодија Николоски, Субашевски и Стаменковиќ, а кај домашните се истакна Цековиќ со пет погодоци. На голот на Бутел одличен беше Чаневски.

Реваншот ќе се одигра во Скопје на 24 октомври од 17:00 часот.

Преглед

Преглед

Голманот на Кил, Андреас Волф, се соочува со парична казна од 2.500 до 5.000 евра поради јавните критики кон судиите по драматичното реми 31-31 против Фленсбург.

Волф ја доведе во прашање компетентноста на арбитрите по контроверзната ВАР одлука во финишот, со која беше поништен потенцијалниот победнички гол на Кил.

Иако санкцијата не е јавно објавена од раководството на лигата, германските медиуми пренесуваат дека Волф доставил и писмено образложение во кое признал дека претерал со своите изјави.

Кил е на врвот на табелата со 17 бодови, два повеќе од Фленсбург и три повеќе од Магдебург, но овие две екипи имаат одиграно два меча помалку.

Преглед

Десното крило на Вардар, Вукашин Воркапиќ, се најде во идеалниот тим на четвртото коло од Лигата на шампионите, откако имаше одличен настап на гостувањето кај Висла Плоцк.

Српскиот репрезентативец постигна осум гола од исто толку обиди и беше еден од најзаслужните што „црвено-црните“ до самиот крај останаа во игра за позитивен резултат, иако на крајот Вардар претрпе минимален пораз од 33-32.

Најефикасен во редовите на македонскиот тим беше Јака Малус со девет погодоци, но одличната реализација на Воркапиќ не помина незабележано од медиа тимот на ЕХФ, кој го вклучи во изборот на најдобрите за ова коло.

Покрај вардаровото десно крило, во идеалниот тим се најдоа и голманот Апелгрен, левото крило Фрајхофер, како и бековите Цендер, Анжиќ, Милер, пивотот Шипжак Сипжак и дефанзивецот Милитару.

За Вардар останува жал за пропуштената можност да освои бодови во Полска, но индивидуалното признание за Воркапиќ е позитивен момент за скопскиот состав.

 

View this post on Instagram

 

A post shared by EHF Champions League (@ehfcl)