Со денешните 16 натпревари беше комплетирана групната фаза од Лигата на Европа и познати се сите екипи што патуваат во главната рунда.
Во групата Ц покрај Скандерборг Архус, вториот патник во ТОП 16 е шпанскиот Гранољерс кој го совлада тимот на Баја Маре, а Слован Љубљана загуби дома и го завршува европскиот пат.
Во групата Д на Порто му беше доволно реми кај Криенс, а победи со 19 голови разлика. Вториот патник од оваа група е норвешкиот Елверум.
Најинтересно беше во групата Х, каде Партизан доживеа дебакл на гостувањето кај Кадетен и се прости од Европа, додека Нексе Нашице едвај со гол во последните секунди го совлада Адемар и обезбеди пласман понатаму.
Лига на Европа, 6 коло, резултати:
група А
ФЛЕНСБУРГ – БИДАСОА ИРУН 38-35
ПОТАИСА ТУРДА – СЕН РАФАЕЛ 25-34
група Б
КИЛ – МОНПЕЛЈЕ 27-18
БЕРН – ОСТРОВИЈА 28-28
група Ц
ГРАНОЉЕРС – БАЈА МАРЕ 29-28
СЛОВАН ЉУБЉАНА – СКАНДЕРБОРГ АРХУС 30-27
група Д
ЕЛВЕРУМ – ФРАМ 38-24
ЛУЦЕРН КРИЕНС – ПОРТО 25-44
група Е
БЕНФИКА – МЕЛСУНГЕН 26-30
КАРЛСКРОНА – ФЕРЕНЦВАРОШ 31-32
група Ф
ВАРДАР – ТУЛУЗ 37-35
КРИСТИЈАНШТАД – СЕСВЕТЕ 28-27
група Г
ФРЕДЕРИЦИЈА – САВЕХОФ 29-33
ТАТРАН ПРЕШОВ – ХАНОВЕР 29-37
група Х
КАДЕТЕН ШАФХАУЗЕН – ПАРТИЗАН 32-19
НЕКСЕ – АДЕМАР ЛЕОН 29-28
Во главната рунда која стартува во февруари, Вардар ќе биде дел од групата 3 и ќе стартува од втората позиција. Првото место во групата носи пласман во четвртфиналето, додека второто и третото место носат билет за осминафинале и вкрстување со вториот и третиот тим од групата 4 каде сите екипи влегуваат со израмнети шанси за прогрес бидејќи имаат по два бода.
Во групата 1, главната битка ќе се боди меѓу Фленсбург и Кил, додека сите екипи од групата 2 ќе стартуваат со по два бода.
Лига на Европа, главна рунда, групи:
група 1: 1. Фленсбург 4, 2. Кил 4, 3. Бидасоа Ирун 0, 4. Монпелје 0
група 2: 1. Архус 2, 2. Порто 2, 3. Гранољерс 2, 4. Елверум 2
група 3: 1. Мелсунген 4, 2. Вардар 2, 3. Кристијанштад 2, 4. Бенфика 0
група 4: 1. Хановер 2, 2. Нексе 2, 3. Фредериција 2, 4. Кадетен 2
