Денеска во седиштето на Европската ракометна федерација беа извлечени групите за новото издание на Лигата на шампионите.
Македонскиот првак Еурофарм Пелистер ќе биде дел од групата Б, а Битола трета сезона по ред ќе има можност да гледа елитен машки ракомет.
Пелистерци ќе играат против европскиот првак Магдебург, гигантите ПСЖ и Барса, како и против Висла Плоцк, ПИК Сегед, ГОГ Гудме и Загреб.
Новата сезона во најелитното европско клупско натпреварување ќе стартува на 10/11 септември.
Лига на шампиони, 2025/26, мажи:
група А: Веспрем, Нант, Алборг, Келце, Фуксе Берлин, Колстад, Спортинг Лисабон, Динамо Букурешт
група Б: ПИК Сегед, ПСЖ, ГОГ Гудме, Висла Плоцк, Барса, Магдебург, Еурофарм Пелистер, Загреб
