Ракометарите на Куманово во натпревар од 4. коло од Супер лигата дојдоа до првата сезонска победа, откако на свој терен беа убедливи против Струга со 35:18.
Натпреварот мина во апсолутна доминација на домаќините, кои одиграа одлично во двете полувремина, а во првиот дел постигнаа 17 голови, а примија девет. Тоа беше показател каков тек ќе има овој дуел.
Куманово уште од самиот почеток наметна темпо што гостинскиот состав не можеше да го следи. Избраниците на Димковски од минута во минута градеа убава предност и на полувреме заминаа со плус осум, 17:9.
Домаќините во вториот дел продолжија со доминацијата, експресно ја зголемија предноста и како на тренинг ги одработија вторите 30 минути, во кои гостите немаа никакво решение за играта на домашниот тим.
Одлична партија во победничката екипа имаше Бразилецот Винициус со десет погодоци, а го следеше Давид Димевски со три помалку, пет додаде Борјан Цековски.
Во поразениот табор најефикасен беше Немања Џигероски со пет реализаици, четири имаше Ненад Костоски.
ПОВРЗАНИ ВЕСТИ
