Европскиот првак Магдебург досега има осум победи на осум натпревари во Лигата на шампионите, а следна станица му е Битола.
Еурофарм Пелистер досега собра четири бодови и ја продолжува трката за осминафинале, а пред себе ќе го има „во моментов најдобриот светски тим“.
Голманот Сергеј Ернандез, кој ја игра последната сезона во Магдебург го најави гостувањето во Битола.
„Еурофарм Пелистер има лудa публика и навистина посебна атмосфера во нивната арена. Ќе биде навистина тежок натпревар. Како и секогаш, мора да го дадеме максимумот. Но ако се фокусираме на нас, ќе победиме“, вели Ернандез.
Натпреварот меѓу Еурофарм Пелитер и Магдебург се игра утре од 20:45 часот во салата „Боро Чурлевски“.
