Новиот селектор на Јапонија, Тони Херона, откри интересни детали околу неиграњето за националниот тим на двајцата најдобри ракометари на СП.
Косуке Јасухира и Шуичи Јошида барале да бидат платени од федерацијата за настапите за репрезентацијата.
„За жал, на СП 2025 ќе сметаме на само на осум играчи што беа дел од ОИ. Јасухира и Јошида бараат пари за настапите за репрезентацијата и не сакаат да играат. Пробав да им објаснам дека е во прашање национален тим, но безуспешно. Млади се, се надевам дека ќе се премислат. Одиме на СП со малку квалитет и малку искуство, но главната фаза е наша цел“, изјави Херона за „Хандбол Планет“.
Јапонија е во група со Шведска, Шпанија и Чиле, па ќе има шанса за прогрес во главната рунда.
