Поранешниот тренер на ЖРК Вардар, Јан Питлик, веќе од минатата сезона не е во ракометните води.
Легендарниот Питлик, кој последниот ангажман го имаше во Саудиска Арабија, ќе работи во градежна компанија во својата татковина.
Питлик ќе биде дел од градежната компанија „АГ Групен“ и таму ќе биде одговорен за регрутирање и обука на персоналот.
Претходно, тој работеше во одделот за човечки ресурси во „Гулдфелт Нилсенс“, компанија за столарство.
57-годишниот Питлик во својата тренерска кариера беше предводник на неколку познати машки и женски клубови.
Покрај тоа што беше дел од женскиот колектив на Вардар, ги предводеше и ГОГ, Есбјерг, Оденсе, Сондерјиске…
Најголемиот успех како селектор го направи кога со женската репрезентација на Данска освои злато на Олимписките игри во 2000 и 2004 година.
ПОВРЗАНИ ВЕСТИ
