На 15 мај во данскиот град Хернинг ќе се одржи ждрепката за Европското првенство 2026 што ќе се игра во Данска, Норвешка и Шведска.
Вкупно 24 селекции, од кои 20 преку квалификации обезбедија пласман на континенталниот собир, ќе ги дознаат своите ривали во групната фаза.
Врз основа на рејтингот и на пласманот во квалификациските групи, но и пропозициите на ЕХФ за носителите, Македонија се најде во третиот шешир.
Најпрво ќе се влечат селекциите од вториот шешир, па оние од првиот, па последниот и дури на крај се репрезентациите од третиот шешир, меѓу кои и Македонија.
ЕП 2026 ќе се игра од 15 јануари до 1 февруари.
ЕП 2026, ждрепка, шешири:
шешир 1: Франција, Данска, Шведска, Германија, Унгарија, Словенија
шешир 2: Португалија, Норвешка, Исланд, Хрватска, Шпанија, Фарски Острови
шешир 3: Австрија, Холандија, Црна Гора, Чешка, Полска, Македонија
шешир 4: Грузија, Србија, Швајцарија, Романија, Украина, Италија
