Тимот на Чаир го промовираше новото засилување на позицијата кружен напаѓач кое доаѓа од Парагвај.
Станува збор за Сабрина Фиоре, која ги имаше почетоците во Сан Хозе од Парагвај, а потоа градеше кариера во Бразил и Шпанија.
Во Бразил играше за Кариацикенсе и ААУ, а потоа беше дел од Калзада и Балонмано Маравиља.
Фиоре е репрезентативка на Парагвај на СП 2017 и на СП 2021, како и на првенството на Средна и Јужна Америка во 2021 година.
Претходно Чаир ги донесе голманката Ема Кирова, левото крило Мила Трајковиќ и левиот бек Изабела Фереира, а се врати и Марија Николовска.
