Репрезентацијата на Египет очекувано ги победи Зеленортските Острови со 31:24 (14:13) во натпревар од последното коло од главната фаза на Светското првенство 2025.
Со денешната победа, ракометарите на Египет си го резервираа билетот во четвртфиналето на Мундијалот, па ќе посакуваат прогрес во однос на СП 2023 на кое завршија на 7. позиција.
Египѓаните заедно со Исланд имаат по осум бода во групата 4, додека Хрватска, која вечерва игра против Словенија, два бода помалку.
Шпанија со пораз го заврши настапот на Мундијалот, откако во натпреварот со Бразил доживеа пораз од 26:25 (14:13).
Иако Шпанците беа едни од фаворитите за висок пласман, сепак, целосно потфрлија во главната фаза.
