Екипата на Кичево, која денеска требаше да го одигра последниот натпревар од регуларниот дел против Металург РА, се повлече од прволигашката конкуренција.
Причините за повлекувањето се стари колку што е стар клубот – недостаток на финансиски средства.
Ова повлекување значи дека во плеј-аут фазата наместо седум, ќе се натпреваруваат шест екипи – Партизан, Шампион, Текстилец, Преспа Вардар, Аеродром и Астраион.
И покрај тоа што Кичево беше во игра за пласман во плеј-оф фазата и имаше неколку ракометари кои имаа одлични настапи, финансиите и недостатокот на стабилност не им овозможија да продолжат во прволигашката конкуренција.
Повлекувањето на Кичево остави празнина во прволигашката конкуренција и покажа колку е важна финансиската поддршка за опстанокот на малите клубови во второто по ранг натпреварување.
