Натпреварувачката комисија на Ракометната федерација на Македонија ги одреди официјалните лица за натпреварите од второто коло во Супер машката лига.
Двојна програма ќе има за Исмаил Металари и Ненад Николовски, кои ќе го судат езерскиот двобој в сабота, а потоа и мечот во Битола каде ќе гостува Вардар.
Пресметката меѓу шампионот и Пролет им е доверена на Седлоски и Ангелески, додека браќата Илиевски ќе бидат главни на дуелот меѓу Радовиш и Бутел Скопје.
Правдата на дербито во Кавадарци каде гостува тимот на Лазаров, ќе ја делат Митревски и Тодоровски, додека Николов и Начевски ќе судат во Прилеп.
Супер лига, 2 коло, распоред на натпревари:
13/09, 18:00, Еурофарм Пелистер – Пролет (Седлоски/Ангелески)
13/09, 18:00, Тиквеш – Алкалоид (Митревски/Тодоровски)
13/09, 18:30, Охрид – Струга (Металари/Николовски)
14/09, 17:00, Еурофарм Пелистер 2 – Вардар (Металари/Николовски)
14/09, 18:00, Прилеп – Куманово (Начевски/Николов)
17/09, 19:00, Радовиш – Бутел Скопје (Илиевски/Илиевски)
