Европската ракометна федерација ги делегираше официјалните лица за натпреварите од осминафиналето во ЕХФ Европскиот Куп.
Македонскиот претставник Охрид ќе игра со чешкиот тим Дукла Прага, а веќе се познати арбитрите за двата меча.
Првиот натпревар на 14 февруари од 18:00 часот во СРЦ „Билјанини Извори“ ќе го судат браќата Генц и Гетоар Бујупи од Косово, додека делегат е Владимир Јовиќ од Босна и Херцеговина.
Реваншот е на програмата на 21 февруари од 18:00 во СЦ „Репи“ во Прага, а судии ќе бидат браќата Емил и Ернест Агакиши од Азербејџан, додека делегат е Гергељ Ватај од Унгарија.
