Тимот на Партизан славеше на гостувањето во Нови Сад кај актуелниот српски првак Војводина со 30-28 и најави интересна сезона.
Во драматичен и до крај интересен натпревар, „црно-белите“ од Белград водеа во најголем дел од мечот, а предводник беше десниот бек Никола Црноглавац со 14 погодоци.
Составот каде што игра Бојан Маџовски водеше на стартот со 6-3, Војводина успеа да се врати во егал до паузата, 12-12, но со голот на капитенот Зечевиќ, Партизан замина со предност на пауза.
Водеше тимот на Ѓорѓе Чирковиќ со плус четири, но Војводина со голот на Пуховски намали на минус два, 29-27. Имаше домаќинот шанса и за минус еден на два пати, но не погодија и победата остана за гостите.
Покрај Црноглавац со 14 гола, во победничкиот состав се истакна и Зечевиќ со пет гола, а кај Војводина најдобар беше Сеса Хешам со осум погодоци.
ПОВРЗАНИ ВЕСТИ
