Ракометарите на Келце станаа нови освојувачи на Супер Купот на Полска, триумфирајќи против големиот ривал Висла Плоцк по драматична пенал-завршница.
Ова беше само второ издание на Суперкупот, а Келце успеа да се реваншира за поразот од минатата сезона.
Натпреварот беше крајно неизвесен – Келце водеше на полувреме со 13-11, но Висла се врати, па регуларниот дел заврши нерешено, 26-26.
Во пенал-рулетот, Келце беше посмирен и посигурен, победувајќи со конечни 32-31, откако јунакот на мечот, Адам Моравски го запре последниот удар на Висла Плоцк.
Францускиот бек Мелвин Ричардсон беше најрасположен стрелец на мечот со 9 погодоци кај Висла Плоцк, додека Пјотр Јарошевич беше најдобар кај Келце со шест гола.
