Тимот на Драчево Јуниор ги започна подготовките за пролетниот дел од сезоната во прволигашката конкуренција.
Составот на Велимир Настески заврши на третото место по есенската полусезона и освои 20 бодови, што е четири помалку од лидерот Младост Богданци.
Драчево Јуниор се поднови со две имиња – Коста Николовски, лево крило кое последно играше за Металург РА и пивотменот Стефан Лазаревски кој доаѓа од Куманово.
Тимот го напуштија десниот бек Ѓорѓи Дука, средниот бек Стефан Кочаров и кружниот напаѓач Антонио Николовски.
Драчево Јуниор го почнува пролетниот дел на 14 февруари на домашен терен со дуел против Аеродром.
