Тимот на Аликанте, каде што настапува македонскиот интернационалец Дарко Димитриевски запиша нов триумф во Шпанија.
Аликанте предводен од Димитриевски успеа да слави во градскиот двобој против Агустинос Аликанте со 36-29.
Во натпреварот од 14 коло, Димитриевски беше најдобар стрелец кај гостите и успеа десет пати да ја погоди противничката мрежа.
Аликанте и Димитриевски се на првата позиција на табелата со 21 бод и на добар пат кон Асобал лигата, а во следното и последно коло за оваа полусезона, ќе се соочат на домашен терен со второпласираниот Бургос.
