По поразот кај Овче Поле СУ, ракометарките на Деспина им се вратија на победите во прволигашката конкуренција.
Прилепчанки славеа на домашен терен со десет гола разлика против Стружанка со 25-15, откако и на паузата имаа плус десет, 14-4.
Во победничкиот состав шанса за настап добија сите, а најдобри стрелци беа Христоска со шест и Гичева со пет гола.
Кај тимот на Стружанка, пет пати стрелаше Сејадин, додека Переска и Маркоска запишаа по четири гола.
На табелата, Деспина е на четвртото место со 18 бода, додека Стружанка останува на 14 бодови на петтата позиција.
