Ракометарите на Струга во рамки од 9. коло од Супер лигата денес ќе гостуваат во Куманово кај истоимената екипа.
Избраниците на Наум Танески се на добар пат да обезбедат пласман во плеј-оф фазата, но за остварување на посакуваната цел ќе треба со победа да си заминат од Куманово.
Екипата на Струга во досегашниот тек од сезоната има биланс од четири победи и четири порази и на свое конто има 12 бода.
Куманово во досегашниот тек од сезоната се нема израдувано на победа, има освоено само бод од дуелот со Скопје, кој исто така има еден бод.
Составот на Куманово на дел од натпреварите се покажа како незгоден ривал, па така стружани денес ќе треба да бидат претпазливи.
Натпреварот меѓу Куманово и Струга ќе се одигра со почеток од 19:30 часот во спортската сала „Перо Наков“.
ПОВРЗАНИ ВЕСТИ
