Денеска во центарот на вниманието на македонската јавност ќе биде дерби дуелот од Супер машката лига меѓу Охрид и Еурофарм Пелистер.
Пелистерци доаѓаат осоколени во СРЦ „Билјанини Извори“ по победата над Вардар, додека „гладијаторите“ со триумфот летоска над битолскиот тим покажаа дека можат да се носат и најсилните.
Последната победа на Охрид над македонскиот шампион кога се работи за официјален натпревар, датира од сезоната 2016/17, кога на 1 април 2017 година, охриѓани славеа со 28-23.
Интересно треба да биде и во Кавадарци, каде Тиквеш во важен натпревар го дочекува Еурофарм Пелистер 2, откако двете екипи не освоија цел плен минатото коло, додека прилепчани ќе бараат триумф кај Струга за да ги задржат шансите за плеј-оф.
Во Супер женската лига се играат три средби во Скопје, Битола и Куманово, ќе има две средби во Првата женска лига, како и три од Првата машка лига.
На меѓународна сцена, во центарот на вниманието е финалето на Мундијалот во Германија и Холандија во Ротердам, меѓу еден од домаќините – Германија и олимпискиот и европски првак, Норвешка. Претходно ќе се игра и дуелот за бронза меѓу Франција и Холандија.
ДЕНЕСКА НА ТЕРЕНИТЕ:
14:30 ФРАНЦИЈА – ХОЛАНДИЈА (СП)
17:30 ГЕРМАНИЈА – НОРВЕШКА (СП)
12:00 ШАМПИОН – АТЛЕТИК (МАКЕДОНИЈА)
13:30 СТРУЖАНКА – ЃОРЧЕ ПЕТРОВ 2 (МАКЕДОНИЈА)
16:00 СТРУГА – ПРИЛЕП (МАКЕДОНИЈА)
16:00 ЧАИР – АСТИБО (МАКЕДОНИЈА)
16:00 ПАРТИЗАН ГЕВГЕЛИЈА – КИЧЕВО (МАКЕДОНИЈА)
18:00 ПЕЛИСТЕР – ВАРДАР (МАКЕДОНИЈА)
18:00 ТИКВЕШ – ЕУРОФАРМ ПЕЛИСТЕР 2 (МАКЕДОНИЈА)
18:00 КУМАНОВО – СПАРТАК (МАКЕДОНИЈА)
18:00 ОХРИД – ЕУРОФАРМ ПЕЛИСТЕР (МАКЕДОНИЈА)
19:00 АЕРОДРОМ – ТЕКСТИЛЕЦ (МАКЕДОНИЈА)
19:30 ШАМПИОН – ДРАЧЕВО ЈУНИОР (МАКЕДОНИЈА)
