Македонската репрезентација денеска ќе го има вториот тест пред Европското првенство во Данска, Шведска и Норвешка.
Избраниците на Кирил Лазаров ќе се соочат со селекцијата на Бахреин, предводена од новиот селектор Роберт Хедин, кој своевремено беше кандидат и за македонската клупа.
Лазаров на пат поведе 19 ракометари, а веројатно на „Жолтиот Куп“ шанса да се покажат ќе добијат сите.
Мечот се игра од 20:30 часот, додека претходно од 18:00 часот турнирот ќе го отворат домаќинот Швајцарија и Украина.
Низ Европа ќе се играат и многу други натпревари, а на дело ќе ги видиме Португалија и Данска, кои ќе се соочат со Египет и Норвешка.
ДЕНЕСКА НА ТЕРЕНИТЕ:
17:15 ПОРТУГАЛИЈА – ЕГИПЕТ (ПРИЈАТЕЛСКИ НАТПРЕВАР)
18:00 НОРВЕШКА – ДАНСКА (ПРИЈАТЕЛСКИ НАТПРЕВАР)
18:00 ШВАЈЦАРИЈА – УКРАИНА (ПРИЈАТЕЛСКИ НАТПРЕВАР)
19:30 ШПАНИЈА – СЛОВАЧКА (ПРИЈАТЕЛСКИ НАТПРЕВАР)
20:30 ХРВАТСКА – ГЕРМАНИЈА (ПРИЈАТЕЛСКИ НАТПРЕВАР)
20:30 МАКЕДОНИЈА – БАХРЕИН (ПРИЈАТЕЛСКИ НАТПРЕВАР)
20:45 ХОЛАНДИЈА – ГРЦИЈА (ПРИЈАТЕЛСКИ НАТПРЕВАР)
