Најголемо внимание денеска ќе биде насочено кон СЦ „Јане Сандански“, каде што машката репрезентација на Македонија ќе ја пречека Литванија во натпревар на кој победа со два или повеќе голови ни гарантира пласман на ЕП 2026.
На табелата во групата 1 каде што е Македонија, Словенија е сигурно прва со десет бодови, додека Естонија е сигурно последна пред нивниот меѓусебен дуел. За позицијата број 2 што носи место на ЕП се борат Литванија која има шест бода и Македонија која има четири, а балтичката селекција има победа од првиот меѓусебен дуел со 29-27.
Според пропозициите на ЕХФ, ако два тима се израмнети на табелата, тогаш за повисокото место најпрво решава повисокиот број на бодови во меѓусебните дуели, потоа подобрата гол-разлика во меѓусебните дуели, па вкупната гол-разлика со сите противници од групата и на крајот бројот на постигнати голови на сите натпревари во групата.
Во овој момент Литванија има гол разлика +5 (147-142), додека Македонија има +4 (153-149). Ова значи дека победа со два гола (или повеќе) ја носи нашата репрезентација на второто место и пласман на ЕП 2026.
Со победа од еден гол, реми или пораз, Македонија ќе биде трета и би имала 2, 1 или 0 бодови, но тоа ќе значи дека ќе мора да се пребројуваме со бодови и гол-разлики со другите третопласирани селекции од осумте групи.
Но веројатно никој нема да размислува на овие варијанти и целта е јасна – победа од најмалку два гола разлика за второ место во групата. Натпреварот меѓу Македонија и Литванија се игра в недела во СЦ „Јане Сандански“ со почеток во 18:00 часот.
Покрај репрезентативниот натпревар, на домашна сцена ќе се играат натпревари од Женската лига и од Првата лига.
ДЕНЕСКА НА ТЕРЕНИТЕ:
18:00 МАКЕДОНИЈА – ЛИТВАНИЈА (КВАЛИФИКАЦИИ ЗА ЕП)
18:00 СЛОВЕНИЈА – ЕСТОНИЈА (КВАЛИФИКАЦИИ ЗА ЕП)
18:00 АВСТРИЈА – ШВАЈЦАРИЈА (КВАЛИФИКАЦИИ ЗА ЕП)
18:00 ХРВАТСКА – ЛУКСЕМБУРГ (КВАЛИФИКАЦИИ ЗА ЕП)
18:00 ЧЕШКА – БЕЛГИЈА (КВАЛИФИКАЦИИ ЗА ЕП)
18:00 ФАРСКИ ОСТРОВИ – УКРАИНА (КВАЛИФИКАЦИИ ЗА ЕП)
18:00 ХОЛАНДИЈА – КОСОВО (КВАЛИФИКАЦИИ ЗА ЕП)
18:00 ГЕРМАНИЈА – ТУРЦИЈА (КВАЛИФИКАЦИИ ЗА ЕП)
18:00 ГРЦИЈА – БОСНА И ХЕРЦЕГОВИНА (КВАЛИФИКАЦИИ ЗА ЕП)
18:00 УНГАРИЈА – ФИНСКА (КВАЛИФИКАЦИИ ЗА ЕП)
18:00 ИСЛАНД – ГРУЗИЈА (КВАЛИФИКАЦИИ ЗА ЕП)
18:00 ИЗРАЕЛ – ПОРТУГАЛИЈА (КВАЛИФИКАЦИИ ЗА ЕП)
18:00 ЦРНА ГОРА – СЛОВАЧКА (КВАЛИФИКАЦИИ ЗА ЕП)
18:00 ПОЛСКА – РОМАНИЈА (КВАЛИФИКАЦИИ ЗА ЕП)
18:00 СРБИЈА – ИТАЛИЈА (КВАЛИФИКАЦИИ ЗА ЕП)
18:00 ШПАНИЈА – ЛЕТОНИЈ (КВАЛИФИКАЦИИ ЗА ЕП)
12:30 ПАРТИЗАН ГЕВГЕЛИЈА – АСТРАИОН (МАКЕДОНИЈА)
15:30 МУЛТИ ЕСЕНС – МЛАДОСТ БОГДАНЦИ (МАКЕДОНИЈА)
16:00 ДЕСПИНА – ПЕЛИСТЕР (МАКЕДОНИЈА)
19:00 МЕТАЛУРГ АВТОКОМАНДА – КУМАНОВО (МАКЕДОНИЈА)
19:30 ЈЕХОНА – ВАРДАР НЕГОТИНО (МАКЕДОНИЈА)
19:30 ЃОРЧЕ ПЕТРОВ 2 – СТРУЖАНКА (МАКЕДОНИЈА)
