Барса гостувала многупати кај Вардар и Металург во Лигата на шампионите, а за првпат во историјата ќе гостува во Битола кај Еурофарм Пелистер.
Најтрофејниот европски клуб, кој тежи 12 титули во најелитната конкуренција, има три победи на четири меча.
Каталонскиот гигант славеше дома против ГОГ Гудме и ПИК Сегед, а на гости кај Загреб, додека загуби дома од Магдебург.
Пелистерци славеа дома со Загреб, но потоа загубија на гости кај ПСЖ, дома со ГОГ Гудме и на гости кај Висла Плоцк.
Натпреварот меѓу Еурофарм Пелистер и Барселона се игра вечерва во салата „Боро Чурлевски“ со почеток во 20:45 часот.
Денеска покрај дуелот во Битола се играат уште четири средби во Лигата на шампионите, а ќе бидат активни и женските репрезентации на стартот на квалификациите за ЕП 2026.
На македонските терени, активни ќе бидат ракометарите на Бутел Скопје и Струга, кои од 18:30 часот во салата „Антон Димитров“ ќе го отворат 8 суперлигашко коло.
ДЕНЕСКА НА ТЕРЕНИТЕ:
18:30 БУТЕЛ СКОПЈЕ – СТРУГА (МАКЕДОНИЈА)
18:45 АЛБОРГ – ДИНАМО БУКУРЕШТ (ЛИГА НА ШАМПИОНИ)
18:45 ПИК СЕГЕД – МАГДЕБУРГ (ЛИГА НА ШАМПИОНИ)
18:45 ВИСЛА ПЛОЦК – ПСЖ (ЛИГА НА ШАМПИОНИ)
20:45 ЕУРОФАРМ ПЕЛИСТЕР – БАРСЕЛОНА (ЛИГА НА ШАМПИОНИ)
20:45 КЕЛЦЕ – НАНТ (ЛИГА НА ШАМПИОНИ)
17:00 ХРВАТСКА – ФИНСКА (КВАЛИФИКАЦИИ ЕП)
18:00 АВСТРИЈА – ИЗРАЕЛ (КВАЛИФИКАЦИИ ЕП)
18:00 ЦРНА ГОРА – ПОРТУГАЛИЈА (КВАЛИФИКАЦИИ ЕП)
18:00 СЛОВЕНИЈА – БЕЛГИЈА (КВАЛИФИКАЦИИ ЕП)
20:45 ФРАНЦИЈА – КОСОВО (КВАЛИФИКАЦИИ ЕП)
21:30 ИСЛАНД – ФАРСКИ ОСТРОВИ (КВАЛИФИКАЦИИ ЕП)
18:15 НОРВЕШКА – РОМАНИЈА (ЕХФ ЕВРО КУП)
20:00 ДАНСКА – ЧЕШКА (ЕХФ ЕВРО КУП)
