Денеска се играат три меча од елитната конкуренција кај мажите, а најинтересно би требало да биде во Кавадарци каде ќе гостува тимот на Кирил Лазаров, кој се уште нема триумф во новата сезона на официјалните натпревари.
Езерски двобој ќе има во Охрид, каде домаќините се големи фаворити, а таков е случајот и во Битола, каде актуелниот првак Еурофарм Пелистер ќе го пречека составот на Пролет.
Кај дамите, во Супер лигата, Куманово како последен тест пред европските обврски ќе го има дуелот со штипски Астибо, додека првпат на дело во Првата лига ќе го видиме и амбициозниот состав на Атлетик на гости кај Деспина. Металург Автокоманда е голем фаворит на гости кај Спартак и се очекува рутинско одработување на задачата. Истото се однесува и на Ѓорче Петров за мечот со Пелистер во Битола.
Во прволигашката конкуренција кај мажите ќе се игра во Свети Николе и во Ѓорче Петров. Неготинци се фаворити на гости кај Овче Поле, додека Македонија ЃП во дербито што се очекува да донесе возбудувања ги чека „витамините“ од Автокоманда.
Покрај натпреварите во машката и женската Супер лига, како и во машката и женската Прва лига, во центарот на вниманието на македонската јавност ќе биде настапот на Бутел Скопје во ЕХФ Европскиот Куп и реванш дуелот од првото коло против Дуделанж.
Покрај оваа средба се играат уште четири други меча, а исто толку ќе се одиграат од второто коло во женската Лига на шампиони.
Настап ќе имаат и македонските интернационалци низ Европа – Дарко Димитриевски, Ивана Гакидова, Ангела Јанкуловска, Јована Кипријановска, Ивана Џатевска, Сара Ристовска, Андреа Седлоска, Зорица Десподовска, Ивана Арсениевска…а интересно ќе биде и на португалското дерби меѓу Спортинг и Бенфика.
ДЕНЕСКА НА ТЕРЕНИТЕ:
12:00 ПЕЛИСТЕР – ЃОРЧЕ ПЕТРОВ (МАКЕДОНИЈА)
17:00 СПАРТАК – МЕТАЛУРГ АВТОКОМАНДА (МАКЕДОНИЈА)
18:00 КУМАНОВО – АСТИБО (МАКЕДОНИЈА)
18:00 ЕУРОФАРМ ПЕЛИСТЕР – ПРОЛЕТ (МАКЕДОНИЈА)
18:00 ТИКВЕШ – АЛКАЛОИД (МАКЕДОНИЈА)
18:30 ОХРИД – СТРУГА (МАКЕДОНИЈА)
19:00 ДЕСПИНА – АТЛЕТИК (МАКЕДОНИЈА)
19:00 ОВЧЕ ПОЛЕ – ВАРДАР НЕГОТИНО (МАКЕДОНИЈА)
20:00 МАКЕДОНИЈА ЃОРЧЕ ПЕТРОВ – МУЛТИ ЕСЕНС (МАКЕДОНИЈА)
12:00 ДЕПСАС – БЕСА (ЕХФ ЕВРОПСКИ КУП)
17:00 КОНСТАНЦА – ПАРНАСОС (ЕХФ ЕВРОПСКИ КУП)
17:00 ГРАНИТАС КАУНАС – СЛОГА ДОБОЈ (ЕХФ ЕВРОПСКИ КУП)
17:00 ПАОК – ВРИСИЛИЈА (ЕХФ ЕВРОПСКИ КУП)
18:00 БУТЕЛ СКОПЈЕ – ДУДЕЛАНЖ (ЕХФ ЕВРОПСКИ КУП)
16:00 ДЕБРЕЦИН – ГЛОРИЈА БИСТРИЦА (ЛИГА НА ШАМПИОНИ)
16:00 СОЛА – БРЕСТ БРЕТАЊ (ЛИГА НА ШАМПИОНИ)
18:00 ЃЕР – ЕСБЈЕРГ (ЛИГА НА ШАМПИОНИ)
18:00 МЕЦ – БОРУСИЈА ДОРТМУНД (ЛИГА НА ШАМПИОНИ)
16:30 РАПИД БУКУРЕШТ – ВАЛЧЕА (РОМАНИЈА)
19:00 ЛОКОМОТИВА ЗАГРЕБ – ЗРИЊСКИ (ХРВАТСКА)
20:15 АЛИКАНТЕ – БАРСЕЛОНА (ШПАНИЈА)
16:00 КОБЕРЖИЦЕ – КОШАЛИН (ПОЛСКА)
18:00 СОМБАТЕЉ – КОЗАРМИСЛЕЊ (УНГАРИЈА)
18:00 ЈУВЕНТА МИХАЛОВЦЕ – СЛАВИЈА ПРАГА (МОЛ ЛИГА)
19:30 СПОРТИНГ ЛИСАБОН – БЕНФИКА (ПОРТУГАЛИЈА)
