Откако го обелоденија трансферот на Јоав Ламбросо од Ајзенах, раководоството на Динамо Букурешт се договори со уште еден среден бек.
Станува збор за исландскиот репрезентативец Хаукар Трастарсон, кој доаѓа од полскиот Келце. Со оглед на заминувањата на Кукиќ и Циндриќ, новиот тренер на Динамо, Давид Дејвис, посакуваше две квалитетни имиња на плејмејкерската позиција.
По настапите во татковината за Селфос, Трастарсон дојде во Келце во 2020 година како голем талент, но 23-годишниот Исланѓанец никогаш до крај не го покажа својот потенцијал.
Претходно романскиот шампион се засили со голманот Јанку, десното крило Ѓукиќ, пикерот Ладефогед, како и бековите Вујовиќ и Лангаро, а се очекува промоција и на десниот бек Григорас.
Динамо Букурешт е ривал на Еурофарм Пелистер во Лигата на шампионите.
ПОВРЗАНИ ВЕСТИ
