Репрезентацијата на Данска ќе игра против Норвешка во финалето на Европското првенство 2024, откако во полуфиналето славеше над Франција со 24:21. Овогодинешното финале ќе биде реприза на она од 2022, кога за златото исто така се бореа Норвешка и Данска.
Почетокот на натпреварот навестуваше дека ќе гледаме интересно соочување, а во првите петнаесетина минути Данска на двапати имаше предност од плус два (4:2, 7:5). Францускиот селектор мораше во 15 минута да побара тајм-аут, со цел неговите избраничките да не дозволат скандинавската селекција да се одлепи на повизока позитива.
Данска имаше неколку шанси да дојде до плус три, но голманката на Франција, Глозе, не дозволуваше лесно да биде совладана, до 20-та минута имаше пет интервенции, од кои една беше од пенал.
Избраничките на Јеспер Јенсен во 23-та минута конечно дојде до посакуваната цел, поведоа со 10:7. До крајот на полувремето Данска одржуваше резултатска предност, водеше со 1-2 разлика и на пауза замина со предност од плус два, 13:11.
На стартот на вториот дел Данска се одлепи на 14:11, а актуелниот светски првак во 34 минута го постигна првиот гол во второто полувреме. Во таборот на Данска дојде до пад во играта, па така ,,триколорките” со серија од 3:0 се вратија во игра, израмнија на 14:14.
По камбекот на Франција, следуваше одлична серија на Данска, која ги казни грешките на ривалот и се одлепи на 19:14. Сепак, Франција не се откажуваше, намали на 21:18 во 52-та минута, но до крајот избраничките на Јенсен успеаја да се одбранат и да си обезбедат ново финале на континенталниот собир.
