Македонската репрезентативка Матеа Чурлиновска се врати дома во Прилеп и во претстојната сезона ќе го чува голот на Деспина.
Таа пред три сезони имаше одлични партии во прилепскиот клуб и го привлече вниманието на повеќе клубови.
Бранеше една сезона во тимот на Куманово, со кој стигна до трофејот во Купот на Македонија, а лани се пресели во редовите на шампионот Ѓорче Петров, каде исто така бранеше одлично.
Со младинската репрезентација на Македонија настапи и на СП во Скопје каде беше меѓу најдобрите голманки.
Со Ѓорче Петров освои двојна круна и како шампион се враќа во матичниот клуб, кој има високи амбиции во новата сезона. Покрај Чурлиновска, Деспина се засили и со левото крило Адела Еленин, која минатата сезона играше за Куманово.
На кормилото на Деспина ќе биде Адријано Котевски, кој исто така се враќа во родниот град по ангажманот во Пелистер.
ПОВРЗАНИ ВЕСТИ
