Ракометарите на Сесвете направија изненадување и во драматичен финиш го совладаа францускиот Тулуз со 32-31 во групата Ф од Лигата на Европа, во која игра и Вардар.
Избраниците на Игор Вори лошо го отворија мечот, но како одминуваше времето така ја преземаа контролата на теренот.
На паузата домашните имаа плус три, 18-15, а во вториот дел во повеќе наврати водеа и со пет гола.
Тулуз се врати во егал, во последната минута беше 31-31, а јунак на Сесвете беше Иван Думенчиќ беше стрелец на победничкиот гол од пенал.
Сега Кристијанштад е прв на табелата со пет бода, Вардар е втор со четири, додека Сесвете има три, а Тулуз е последен без бодови и ќе му треба чудо да обезбеди место во главната рунда.
Победи забележаа фаворитите Фленсбург, Монпелје, Скандерборг, Криенс, Порто, Мелсунген, Фредериција, а на втор триумф се израдува и српскиот првак Партизан.
Лига на Европа, 3 коло, резултати:
група А
ПОТАИСА ТУРДА – ФЛЕНСБУРГ 26-33
20:45 СЕН РАФАЕЛ – БИДАСОА ИРУН
група Б
ОСТРОВИЈА – МОНПЕЛЈЕ 25-38
20:45 БЕРН – КИЛ
група Ц
БАЈА МАРЕ – СКАНДЕРБОРГ АРХУС 27-45
СЛОВАН ЉУБЉАНА – ГРАНОЉЕРС 29-34
група Д
ЕЛВЕРУМ – ПОРТО 25-29
КРИЕНС – ФРАМ 40-25
група Е
МЕЛСУНГЕН – ФЕРЕНЦВАРОШ 33-27
20:45 КАРЛСКРОНА – БЕНФИКА
група Ф
КРИСТИЈАНШТАД – ВАРДАР 32-31
СЕСВЕТЕ – ТУЛУЗ 32-31
група Г
ТАТРАН ПРЕШОВ – ФРЕДЕРИЦИЈА 27-34
20:45 ХАНОВЕР – САВЕХОФ
група Х
ПАРТИЗАН – АДЕМАР ЛЕОН 25-18
20:45 НЕКСЕ – КАДЕТЕН ШАФХАУЗЕН
