Четирите македонски репрезентативки што играат во најсилното женско натпреварување во Романија ја завршија сезоната со меѓусебен дуел.
Рапид Букурешт на Сара Ристовска славеше против Слатина на Ивана Гакидова, Јована Саздовска и Јована Мицевска со 32-26.
Ристовска имаше три погодоци на овој дуел, Гакидова и Саздовска погодија по еднаш, а Мицевска запиша 11 интервенции.
Рапид Букурешт го заврши првенството на петтото место и ќе игра во европските купови, додека Слатина успеа да обезбеди опстанок во елитната романска конкуренција.
