Репрезентацијата на Чешка во драматичен натпревар ја совлада Србија со 27:24 (13:14) и се вклучи во борбата за пласман во главната фаза на Европското првенство 2024.
За Чешка ова беше прва победа, додека Србија го доживеа вториот пораз на континенталниот собир, нашиот северен сосед на стартот беше поразен од Црна Гора.
И покрај денешниот пораз, избраничките на Урош Брегар остануваат во игра за 2. позиција на табелата во групата Б.
Србија за да се пласира во главната фаза, во последното коло од групната фаза треба да ја победи Романија со најмалку шест гола, а Црна Гора да изгуби од Чешка.
Предводник во победата на Чешка беше искусната Маркета Јерабкова со осум гола, а Сабрина Новотна повторно беше расположена меѓу стативите, натпреварот го заврши со 14 интервенции.
Кај Србија прво име беше Анѓела Јањушевиќ со девет реализации, додека голманското дуо Рисовиќ и Цинку искомбинираа 11 интервенции.
Исланд со победата над аутсајдерот Украина, 27:24, влезе во игра за втората позиција на табелата во групата Ф.
За остварување на целта, во последното, 3. коло од групната фаза Исланд ќе треба да направи сензација, односно да триумфира против Германија, додека Холандија да киксне во дуелот со Украина, што е (не) возможно.
