Ракометарите на Бутел Скопје ги очекува реванш средбата од првото коло во ЕХФ Европскиот Куп против тимот на Дуделанж од Луксембург.
Натпреварот ќе се одигра в сабота во малата сала на СЦ „Јане Сандански“ со почеток во 18:00 часот, а влезот за сите љубители на ракометот ќе биде слободен.
Поддршката за момците на Горан Кузманоски, кои славеа со 31-27 на првата средба, ќе биде повеќе од добредојдена во битката за нов триумф.
Тоа ќе значи пласман на Бутел Скопје во второто коло и нови европски бодови за македонскиот ракомет.
Натпреварот што бутелци требаше да го играат викендов во Супер лигата против Радовиш, поради нивните евро обврски, ќе се одигра в среда на 17 септември од 19:00 часот во салата „25 Мај“.
