По поразот од ГОГ Гудме, тимот на Веспрем се врати на победничките патеки во Лигата на шампионите и лесно го совлада Порто со 44-34.
Предводен од францускиот десен бек Недим Ремили, кој даде десет гола, унгарскиот вицепрвак немаше никакви проблеми против тимот на Никола Митревски.
Уште по првиот дел беше создадена висока предност, 22-16, иако во еден момент Порто беше на минус еден, 16-15.
Вториот дел беше само формалност и одработување на задачата за унгарскиот шампион, кој сега има три победи во четири меча.
Никола Митревски бранеше во вториот дел и успеа да запре четири удари на домашните ракометари.
Најдобри стрелци покрај Ремили во домашниот состав беа Касадо и Елисон со по пет гола, додека кај Порто, Кристенсен даде осум погодоци.
