Екипата на Бенфика, во која настапува Филип Талекси, по несреќниот пораз минатата недела од Бидасоа Ирун, денеска се израдува на првата победа во главната фаза од Лигата на Евопа.
Македонецот и своите соиграчи славеа над незгодниот Иштад од Шведска со 36:31, а победата ја обезбедија уште во првиот дел, кој го добија со 18:14.
ГОГ одигра фуриозно на свој терен против еден од најголемите фаворити за титулата – Монпелје триумфирајќи со 33:27 и обезбди најмалку осминафинале.
Данскиот тим на полувреме имаше солидна предност од 17:10, додека во вториот дел гостите никако не можеа да заиграат според посакуваното.
Во победничката екипа најефикасен беше репрезентативецот на Норвешка, Тобијас Грондал, зад своето име запиша десет погодоци,, а подели и неколку асистенции.
На убедлив триумф се радуваше и Гумерзбах, кој на гостувањето во Унгарија кај Татабања победи со 44:29 (23:13).
За бундеслигашот ова беше важна победа во битката за четвртфинале, а во следното коло избраниците на Сигурдсон на домашен терен повторно ќе играат со унгарскиот тим.
Лига на Европа, главна фаза, 2. коло, резултати:
Бенфика – Иштад 36-31
Фленсбург – Тулуз 34-34
ГОГ – Монпелје 33-27
Луцерн – Гранољерс 43-42
Татабања – Гумерзбах 29-44
20:45 Кил – Порто
20:45 Лимож – Бидасоа
20:45 Војводина – Мелсунген
