Репрезентацијата на Австрија со победата над Катар од 28:26 си обезбеди главна фаза на Светското првенство во Данска, Норвешка и Хрватска.
Избраниците на Алеш Пајовиќ до победата дојдоа со подобрата игра во клучните моменти, во кои Катар немаше решение за мотивираната Австрија.
Во првото коло од групната фаза, Австрија беше подобра од Кувајт, а во 3. коло оди на мегдан против Франција.
Исланд и Шведска имаа победнички старт, избраниците на Гудјонсон триумфираа над Зеленортските Острови со 34:21, додека скандинавската селекција ја совлада Јапонија со 39:21.
Данска повторно имаше уште еден рутински натпревар, го декласираше Тунис со 32:21, а составот предводен од Николај Јакобсен за 20 минути игра прими само два, а постигна 12 погодоци.
