Некогашниот голман на битолски Пелистер, Игор Тоскоски, и наредната сезона ќе биде тренер на германскиот тим Аполда.
Тој минатото лето ја заврши богатата играчка кариера, беше дел од стручниот штаб, а од оваа сезона се посвети само на тренерската кариера.
Раководството на клубот беше задоволно од премиерната сезона со Тоскоски како прв тренер и реши да му продолжи нова соработка.
Аполда е мала македонска колонија. Таму своевремено играа крилата Игор Илиевски и Васил Митевски, во моментов игра Пеце Ѓорѓиески, а од лето доаѓаат бековите Христијан Милошески и Дејан Гошевски.
Нема да биде изненадување ако уште најмалку еден македонски ракометар се пресели во Аполда.
