Ракометарките на Куманово по поразот од шампионот Ѓорче Петров, ја запишаа првата победа во новата сезона во Супер женската лига.
Избраничките на Славиша Димитријески славеа против Астибо со 25-19, иако мораа добро да се испотат за бодовите.
Големи проблеми на кумановки им правеше Марија Анчева, која даде седум гола во првиот дел, кога Куманово имаше само плус три, 11-8.
Во второто полувреме штипјанки се вратија на минус еден, но нивниот отпор беше скршен во последните десетина минути.
Павлова со седум и Азеведо со шест гола беа најпрецизните кај Куманово, а стандардно Анчева со 11 гола беше предводничка на Астибо.
