Eден од клучните играчи за високата победа на Висла Плоцк беше хрватскиот чувар на мрежата Мирко Алиловиќ.
Тој запиша девет одбрани, но со одличен процент на успешност, 38%, а вели дека резултатот не ја отсликува играта на теренот.
„Ова беше одличен натпревар. Драго ми е што повторно се враќаме на победничките патеки. Почит и за Еурофарм Пелистер, бидејќи конечниот резултат не ја отсликува целосно играта на теренот. Во второто полувреме одигравме одлично во одбраната, што ни овозможи да реализираме многу контранапади и да постигнеме лесни голови. Овој резултат сигурно ќе ни ја зголеми самодовербата и покажува дека се движиме во вистинската насока“, вели Алиловиќ.
Висла Плоцк во следното коло ќе игра со францускиот ПСЖ.
