Македонскиот вицепрвак Металург Автокоманда полека го формира играчкиот ростер за претстојната сезона во која ќе влезе со големи амбиции.
Кружниот напаѓач Александра Коловска, ја продолжи соработката за уште една сезона и ќе биде важна алка во тимот на Јулијана Дамчевска.
Претходно Металург Автокоманда ги договори Ива Божиноска, Анастасија Николовска, Петра Јершек, Ана Марија Коларовска и Сара Ристовска.
Договорите беа продолжени со голманката Софи Гошевска, десните крила Мина Ѓурческа и Марија Гугуљанова, левото крило Јана Ѓошевска, како и левиот бек Марија Јанкуловска.
Металург Автокоманда минатата сезона го освои второто место и играше на Ф4 во Купот на Македонија, а претстојната сезона покрај на домашна сцена, ќе биде активен и во ЕХФ Европскиот Куп.
