Mашката репрезентација на Македонија од денеска го стартува настапот на „Жолтиот Куп“ во Винтертур.
Прв ривал на избраниците на Кирил Лазаров ќе биде селекцијата на Бахреин, а кружниот напаѓач Михаил Аларов ги сподели очекувањата од настапот на овој турнир.
„Имаме одлична атмосфера во нашиот табор. Успеавме малку да се одмориме, утрово имавме активација и загревање, па мислам дека сме подготвени за настап. Ќе се обидеме да пробаме некои нови тактички замисли, но сите ќе го дадеме нашиот максимум за позитивен резултат“, изјави Аларов.
Македонија и Бахреин ќе играат вечерва од 20:30 часот.
