Тимот на Гереире Мало, каде што настапува македонската интернационалка Савица Мркиќ, го доживеа четвртиот пораз во италијанскиот шампионат.
Гереире Мало загуби на гостувањето кај шампионот Јоми Салерно со убедливи 30-17, а по првиот дел беше 18-6.
Мркиќ постигна десет погодици за поразената екипа или повеќе од половина, но немаше поддршка од своите колешки.
Гереире Мало досега одигра само шест меча во италијанското првенство поради коронавирусот, и забележа две победи и четири порази.
