Вардар не може без драма, ама и против Елверум немаше среќен крај (ФОТОГАЛЕРИЈА)

Тимовите на Вардар и Елверум одиграа интресен натпревар со многу голови, но без победник. После многу надигрување средбата заврши со нерешени 34:34. Играта беше ефикасна особено во првото полувреме кога резултатот беше 21:20 во корист на тимот на Елверум. Во финишот Вардар требаше само да ја сочува предност од четири гола, која ја стекна во 50. минута, но беше дозволено ривалот да се врати па Елверум дојде до бод од оваа средба со гол во последните секунди. Ова беше првиот од двата натпревари, а вториот дуел меѓу Вардар и Елверум треба да се одигра в среда од 18:45 часот.