Вардар тргна фуриозно, но Келце си ги спакува и си замина со бодовите (ФОТОГАЛЕРИЈА)

Екипата на Вардар претрпе нов пораз во Лигата на шампионите и тоа на домашен терен против тимот на Келце со 29:33. Сè уште актуелниот освојувач на Лигата на шампионите имаше само по неколку добри минути и во првото и во второто полувреме, но тоа не беше доволно за да може да се дојде до нешто повеќе. Според она како се играше гостите покажаа повеќе и го имаа расположениот Алекс Душебаев кој денеска одработе убедливо најмногу и го водеше тимот кон нова победа. Тој со десет гола беше убедливо најефикасниот така што беше и нерешлива загатка за одбраната на вардарци. Со овој пораз тимот на Вардар останасо една победа и едно реми од четири одиграни средби, додека Келце е лидер кој ги има одиграно сите седум натпревари и на нив има пет победи, едно реми и еден пораз.