Среќен роденден Лазаров, од ракометарите и ракометарките на КЛ 7 (ВИДЕО)

Денеска Кирил Лазаров полни 40 години, а честитка за неговиот роденден пристигна и од најмладите ракометари и ракометарки кои се дел од клубот КЛ7. Тие му го честитаа роденденот со ВИДЕО порака. Покрај видео пораката има и друга, која се однесува за Лазаров. Кога рекордерите се рекордери со години, тогаш се историја, тој е историја родена пред 40 години на денешен ден во Велес. Тргна од Свети Николе стигна до Нант а некаде помеѓу му се оствари детскиот сон наречен Барселона. Тој не игра тој живее ракомет. Со неговиот ракометен сон живеат и 1000 деца од школата за ракомет КЛ7 низ Македонија, кои преку видео пораки на капитенот на машката ракометна репрезентација и најдобриот ракометар роден во Македонија, Кирил Лазаров му го честитаа 40 роденден. Во видеото се и сите младински селекции на КЛ7, играчите од РК "Голден Арт КЛ7" и соработниците на Лазаров. Најголемата ракометна фамилија КЛ7 својата роденденска порака составена од преку 120 видеа ја завршува со зборовите: "СРЕЌЕН РОДЕНДЕН НАШ НАЈДОБАР, ТЕ САКА ТВОЈА КЛ7 ФАМИЛИЈА"