Минатиот викенд ќе им остане засекогаш во сеќавање на Иван Ангелов и Александра Јанева. Двајцата се заколнаа на вечна љубов и направија свадба од соништата и за паметење.
Поранешниот кадетски и младински репрезентативец на Македонија, по романтичното запросување во Париз, сега направи свадба со македонската поп-дива.
Александра Јанева е позната македонска пејачка, двократен победник на реномираниот фестивал „Макфест“, a ги испеа хитовите „Врати ми го сонцето“, „Еве ме пак“, „За сто години“, „Најмило мое“…
Ангелов потекнува од Текстилец, ги бранеше боите на Вардар Јуниор и Драчево, а во својата биографија има запишано настап во ЕП во младинските категории.
Свадбата беше направена во родниот град на пејачката, Струмица, со сите адети, меѓу кои беа и бричењето на младоженецот, туркањето на вратата во домот на невестата, црковната венчавка, регистрација на брак…а веселбата продолжи во еден од рестораните, каде гостите се забавуваа до долго во ноќта…
ПОВРЗАНИ ВЕСТИ
