📷 Нова сезона, нова улога и нов имиџ за Дарко Димитриевски

Македонскиот интернационалец Дарко Димитриевски од септември ќе биде одново дел од најсилната шпанска конкуренција, Асобал лигата.

Тој со неговиот Аликанте успеа да го освои првото место и да обезбеди место меѓу најдобрите клубови во Шпанија.

Димитриевски ќе биде капитен на Аликанте во Асобал лигата, а клубот не пропушти да го одбележи и неговиот нов имиџ.

„Нова сезона, нова улога, нов имиџ – капитен со стил“, напишаа на социјалните мрежи од Аликанте.

Димитриевски долго време игра во Шпанија. Беше дел од Адемар Леон, Пуерто Сагунто, Синфин Сантандер и Ваљадолид.