Прволигашката конкуренција на стартот на оваа сезона требаше да брои 19 екипи. Но најпрво се откажаа две екипи, меѓу кои и некогашниот шампион Борец, па останаа 17 поделени во две групи. Но како тргна сезоната, прашање е дали сите екипи ќе го дочекаат крајот.

Не е тајна дека повеќе од половина прволигаши кубурат со финансии и живеат „од денес за утре“, очекувајќи ја државната помош, а два тима викендов не отпатуваа и не ги одиграа планираните и веќе закажани натпревари во прволигашката конкуренција.

Не се играше во Гевгелија, каде што домаќинот Партизан требаше да го пречека составот на Преспа Вардар, а не се одигра ниту натпреварот во Автокоманда, каде што составот на Металург РА требаше да се соочи со Кичево.

Сосема извесно е дека овие два меча нема да бидат презакажани и да добијат нов термин, па Ракометната федерација на Македонија ќе ги регистрира со службени победи за домаќините, додека Преспа Вардар и Кичево ќе добијат минус бод за неодигран натпревар.

Преспа Вардар досега нема освоено бод во групата Б, додека Кичево има една победа и едно реми, но и покрај тоа сосема извесно е дека двете екипи ќе играат во прволигашкиот плеј-аут.

Во текот на оваа сезона и во Женската лига имаше ситуација, кога гостинска екипа (Стружанка), не отпатува на гостувањето во Штип кај Астибо токму поради финансиските проблеми со кои се соочува, па штипјанки на „зелена маса“ ги освоија бодовите.

Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.

На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.

Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 11 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.

Meѓу номинираните за ова коло има по еден ракометар од Вардар, Еурофарм Пелистер, Пролет, „сино-белиот“ тим од Автокоманда, Куманово и двајца од Тиквеш.

За МВП на колото ќе можете да гласате до петок до 12 часот.

Супер лига, 11. коло, резултати:

ПРОЛЕТ – БУТЕЛ СКОПЈЕ 24-19 (ИЗВЕШТАЈ)
СТРУГА – ВАРДАР 25-34 (ИЗВЕШТАЈ)
ОХРИД – АЛКАЛОИД 22-29 (ИЗВЕШТАЈ)
БИСИНОВ ФЛ – ТИКВЕШ 22-33 (ИЗВЕШТАЈ)
ЕУРОФАРМ ПЕЛИСТЕР – ПРИЛЕП 46-24 (ИЗВЕШТАЈ)
КУМАНОВО – РАДОВИШ 30-26 (ИЗВЕШТАЈ)

СПОРЕД ВАС КОЈ Е НАЈКОРИСЕН РАКОМЕТАР НА 11.КОЛО ВО СУПЕР ЛИГА?

Мартин Серафимов - десен бек - Алкалоид

45.45%

Давид Димевски - лев бек - Куманово

32.47%

Ласко Андоновски - среден бек - Пролет

9.09%

Богдан Радивојевиќ - десно крило - Еурофарм Пелистер

7.79%

Кристијан Анастасовски - пивот - Тиквеш

2.60%

Хансер Родригез - лево крило - Вардар

2.60%

Игор Арсиќ - голман - Тиквеш

0.00%

ИДЕАЛЕН ТИМ НА 11. КОЛО ОД СУПЕРЛИГА

Голман: Игор Арсиќ (Тиквеш) – Српскиот голман блескаше во Велес и забележа 17 интервенции.

Лево крило: Хансер Родригез (Вардар) – Кубанскиот репрезентативец беше меѓу подобрите во триумфот над Струга.

Лев бек: Давид Димевски (Куманово) – Младинскиот репрезентативец беше на ниво и меѓу најзаслужните за бодовите против радовишани.

Среден бек: Ласко Андоновски (Пролет) – Средниот бек продолжува да игра во одлична форма оваа сезона.

Десен бек: Мартин Серафимов (Алкалоид) – Македонскиот репрезентативец постигна 12 голови на гостувањето кај Охрид.

Десно крило: Богдан Радивојевиќ (Еурофарм Пелистер) – Србинот коректно си ја одработи задачата против прилепчани.

Пивот: Кристијан Анастасовски (Тиквеш) – Кружниот напаѓач беше меѓу најдобрите поединци во триумфот кај Бисинов ФЛ.

Реализаторите на преносот од Рејкјавик очигледно не знаат против кој тим игра нивниот претстаник.

На графиката на преносот од натпреварот меѓу Валур и Вардар од Лигата на Европа, стои кратенката „МТМ“.

Тоа е кратенката за германскиот Мелсунген, односно МТ Мелсунген, а очигледно на лицата задолжени за техничките работи при преносот, не им се работело многу вечерва.

Вардарци морат да слават на гостувањето на Исланд кај Валур, а Порто да загуби кај Мелсунген, за да ги задржат и онака минималните шанси за прогрес во главната рунда.

Женската репрезентација на Македонија денеска ги стартуваше подготовките за настапот на Европското првенство во Унгарија, Австрија и Швајцарија што стартува на 28 ноември.

По повредите на Коцева и Гакидова, селекторот Грчевски остана со 18 ракометарки на располагање, а веројатно нема да има нови повици пред патот на ЕП. Од утре составот ќе биде комплетен на тренинзите, кога ќе се приклучат Сара Ристовска и Ива Младеновска.

Македонија до среда ќе тренира во Скопје, в четврток заминува за Пореч, каде в петок и сабота ќе ги одигра последните две контролни средби против Хрватска и Србија.

Оттаму ќе замине во Дебрецин, на три дена пред стартот на ЕП, па ракометарките ќе имаат доволно време за аклиматизација пред стартот на континенталниот собир.

ЕП 2024 стартува на 28 ноември со дуелот против Шведска, на 30 ноември ривал ќе ни биде Турција, додека на 2 декември, Македонија ќе се соочи со домаќинот Унгарија.

Селекторот на женската репрезентација на Чешка, Бент Дал, го објави списокот пред настапот на претстојното Европско првенство 2024.

Пред настапот на континенталниот собир, Чешка ќе има силни проверки, ќе тестира со Ангола и Шпанија, која исто така е учесник на ЕП.

Норвешкиот стратег за пријателските дуели и за Европското првенство ќе може да смета на искусните Меркета Јерабков (Икаст) Петра Кудлачкова (Злин) Шарлоте Шолевова (Валчеа)…

Чешка ќе има големи шанси да обезбеди пласман во главната фаза, бидејќи се наоѓа во група во која секој може да победи секого.

Репрезентацијата на Чешка за ривали во групната фаза на Европското првенство ги има репрезентациите на Србија, Црна Гора и Романија.