Вардар ги победи „сино-белите“ од Автокоманда со 34-26 во првата рунда од плеј-офот во Супер лигата и покажа дека е сериозен кандидат за титулата.
Левиот бек Матија Николиќ, кој се враќа на терените по кратката пауза, ги сподели импресиите по мечот.
„Се подготвивме за нивниот напад, а имавме решение за секоја нивна одбрана. Одиме чекор по чекор, сакаме да победиме секаде до крајот и да ја вратиме титулата“, изјави Николиќ.
Следен предизвик за Вардар ќе биде натпреварот со Бутел Скопје во втората рунда од плеј-офот кој ќе се игра во СЦ „Јане Сандански“.
