🎥 Грчевски: Момците покажаа како се игра и гине за тимот

Тимот на Тиквеш го обезбеди местото во плеј-офот во Супер лигата откако победи на гости кај Бутел Скопје со 31-23.

Тренерот на кавадарчани, Кристијан Грчевски, е задоволен од изданието на неговите ракометари на незгодното гостување.

„Момците покажаа како се игра и како се гине за тимот. Ние дојдовме во Скопје по победа и ништо не можеше да не запре. Ако сме сите на број, ако имаме добро услови за подготовки, некој од големата четворка ќе може да падне во Кавадарци“, вели Грчевски.

За Тиквеш до крајот на регуларниот дел од Супер лигата остануваат домашните средби со Прилеп и Борец ФЛ, како и гостинските со Вардар и Струга.