🎥 ЕХФ не штедеше комплименти за македонскиот капитен – наклон за Филип Кузмановски!

Европското првенство заврши пред две недели, но Европската ракометна федерација преку видеа на социјалните мрежи ги одбележува највпечатливите моменти од континенталниот шампионат.

Меѓу нив се најде и историскиот настап на Филип Кузмановски, кој против Португалија одигра натпревар за историја.

Македонскиот капитен постигна неверојатни 15 погодоци од 18 обиди во ремито со Португалците, прикажувајќи една од најдоминантните индивидуални партии на турнирот.

„Најдобар меч на Европско првенство на сите времиња? 15 гола од 18 обиди – наклон за Филип Кузмановски“, стои во објавата на ЕХФ.

Со ова признание, Кузмановски уште еднаш го потврди својот статус на лидер на националниот тим и остави силен белег на шампионатот.