Швеѓаните минаа лесно против Русија, Ване беше незадржлив

Репрезентацијата на Шведска во првиот натпревар од главната фаза на Европското првенство славеше против едно од изненадувањата на ЕП, Русија, со резултат 29:23 во рамките од втората група.

Во првото и второто полувреме доминацијата на терен ја имаше репрезентацијата на Шведска. По израмнетиот почеток, 2:2, следуваше брза игра од страна на Швеѓаните, кои со погодоците на Ване и неколку одбрани на Паличка, започнаа да создаваат солидно водство до првата половина од првиот дел.

Избраниците на Глен Солберг имаа активен резултат од 5:2, 6:3 и 7:4. Ракометарите на Русија од 15. минута започнаа да играат подисциплинирано во своите напади и одбрана. Санталов и Ермаков ја одржуваа Русија во резултатска игра до крајот на првото полувреме.

По падот на играта во редовите на Шведска, главно се играше гол за гол и резултатот најчесто беше нерешен. Сепак, ракометарите на Шведска во последните минути од првото полувреме со серија од 4:0 се одлепија на 16:12, а на пауза заминаа со водство од плус три, 16:13.

Ракометарите на Велимир Петковиќ седум минути во вториот дел беа без постигнат погодок. Тоа беше главна причина Шведска повторно да започне да создава сериозна позитива и по десет минути игра во второто полувреме водството на Швеѓаните беше 20:15.

На десет минути пред крајот резултатот беше 24:20 за Шведска. Секој обид на Русија за камбек на натпреварот завршуваше без успех. Шведска имаше лесна завршница и во последните минути успеа да го надополни своето водство за конечни 29:23.

Незадржлив на теренот беше Хампус Ване со девет погодоци од десет обиди. Во Русија се истакна Александар Ермаков со пет погодоци.

РУСИЈАШВЕДСКА 20 јануари 2022 23 - 29 Крај

Детали

Датум	Време	Лига	Сезона	Match Day	Крај
20 јануари 2022	17:11	EURO22 2GRUPA	2021/2022	20.01.2022	60'

Место

„ОНДРЕЈ НЕПЕЛА“ БРАТИСЛАВА

Резултати

Екипа	1-во полувреме	2-ро полувреме	Резултат
РУСИЈА	13	23	Пораз
ШВЕДСКА	16	29	Победа

РУСИЈА

#	Играч	Позиција	Исклучување	Голови
1	Артем Грушко	голман	0	0
3	Дмитри Санталов	лев бек	0	3
10	Валентин Воробев	централен бек	0	0
20	Михаил Виноградов	лев бек	0	1
23	Роман Осташенко	лево крило	0	1
24	Дмитри Корнев	десно крило	0	3
25	Евгениј Ѕемин	лев бек	0	0
30	Александар Ермаков	пивот	0	5
39	Илија Демин	десно крило	0	0
44	Игор Сорока	лево крило	0	2
76	Радомир Врачевиќ	пивот	0	0
78	Павел Андреев	пивот	0	4
87	Виктор Киреев	голман	0	0
89	Дмитри Житников	централен бек	1	2
98	Никита Каменев	десен бек	1	2
17	Александар Котов	десен бек	1	0
	Вкупно		3	23

ШВЕДСКА

#	Играч	Позиција	Исклучување	Голови
2	Јонатан Карлсбогард	лев бек	0	1
3	Исак Персон	десно крило	0	1
4	Емил Мелгард	лево крило	0	0
6	Феликс Мелер	пивот	0	0
12	Андреас Паличка	голман	0	0
15	Хампус Ване	лево крило	0	9
18	Фредрик Петерсон	пивот	0	2
19	Феликс Клар	централен бек	0	2
23	Албин Лагергрен	десен бек	1	3
24	Џим Готфридсон	централен бек	0	2
30	Тобијас Тулин	голман	0	0
32	Оскар Бергендал	пивот	0	1
33	Лукас Сандел	десен бек	0	1
42	Ерик Јохансон	лев бек	0	2
49	Карл Валиниус	лев бек	0	0
62	Валтер Хринц	десно крило	0	5
	Вкупно		1	29

Officials

Судии:
Бојан Лах -Словенија Давид Сок -Словенија

ЕП 2022, ГРУПА 2 – ТАБЕЛА